तुझ्याशी फोन वर बोलताना
माझी मी न राहते.
कधी नजर झुकवुन,
तर कधी स्वप्नील नजरेने,
तुझेच ऐकत राहते.

तुझ्याशी फोन वर बोलताना,
पडतो माझाच मला विसर.
हा तुझ्या बोलण्याचा,
कि तुझ्या प्रेमाचा असर?

तुझ्याशी फोने वर बोलताना,
जग का धुंद होते?
तुझ्या प्रेमाच्या वर्षावाने,
मी ओली चिंब होते.

तुझ्याशी फोन वर बोलताना,
वेळेचे उरत नाही भान.
वाटते बोलणे संपुच नये,
हि कुठली ओढ? हि कुठली तहाण?

तुझ्याशी फोन वर बोलताना...

~प्रशांत रेडकर