प्रेम एक सुखद अनुभव असतो,
निराकार दगडातील तो देव असतो,

प्रेम रक्तापलिकडील नवनात्याची अनूभूती असते,
पुन्हा पुन्हा जगण्यासाठीची ती शाश्वती असते,

प्रेम असाच आवडता एक विषय असतो,
लंगड्या वासराची जणु तो गाय असतो,

प्रेम महालातल्या मोकळीकीपलीकडील एक आपुलकी असते,
दाटीवाटीचीच एक झोपडी पण सगळ्यांत लाडकी असते,

प्रेम खमंग भज्यांचा दरवळ असतो,
बर्‍याच गोष्टींची तो एक मिसळ असतो,

प्रेम चांदीच्या ताटातील सोन्याची आमटी असते,
भावनांचीच तिजोरी पण पैशाविण मिळवायची असते,

प्रेम गळणार्‍या छत्रीतला एक कोपरा असतो,
दरवळून पावसात न्हाणारा तो मोगरा असतो,

प्रेम समजणार्‍यांसाठी न समजलेली एक अडचण असते,
प्रवाहात बिनधास्त वाहणार्‍या दगडाची ती सोबतीण असते,

प्रेम अविरत जळणारा एक दिवा असतो,
चटकाच तो एक पण सर्वांना हवा असतो......