गीत माझे सूर तू छेड यारा...
सूरात तुझ्या सूर माझा...
शब्दांस माझ्या शब्द तू जोड यारा...

ही रात्र काजळी पुन्हा ढळून जाईल...
तू हास आज...
हासणे तुझे वाटे गोड यारा...

भरवसा उद्याचा सांग कुणी कुणासा द्यावा?
तू घे जगुन आज
बंधने सारीच तोड यारा

तू हो कवडसा सुखाचा तुझ्याचसाठी
दु:खे पडद्यामागे लपलेले
दूर त्यांना तू सोड यारा....

निघुन गेलो जरी कधि मी
राहील शब्दांच्या रुपाने सदा
नाते शब्दांशी माझ्या तू जोड यारा...

~संदिप सुराले ~