वेड्या पावलांची झुलकावणी,
कधीतरी ओळखायची असते,
हमरस्त्याला भेटणारी आडवाट,
कधीतरी चालायची असते,

सावल्यांची गळाभेट सायंकाळी,
कधीतरी अनुभवायची असते,
किलबिलणार्‍या पाखरांची मैफिल,
कधीतरी सजवायची असते,

स्वप्नांची हुरहुरणारी हुलकावणी,
कधीतरी चोखंदळायची असते,
आपली आपल्यावरची निसरपकड,
कधीतरी सोडायची असते,

एकांतातील मोरपंखी गुदगुली,
कधीतरी खुलवायची असते,
टपकन ओघळताना साठवण,
कधीतरी बाळगायची असते,

क्षितीजावरली पाखरण मलमली,
कधीतरी नेसायची असते,
नदीकाठची भिजलेली भटकंती,
कधीतरी आठवायची असते....