लागेल थंडी बघ तुला.....
नको फिरुस अशी वा-यावर
नको सोडूस मोकळे केस......
नाही राहत मन माझे था-यावर

नको चालूस बिलगुनी मजला
पाहतात लोक सारे.....
म्हणतील काय चाललय बघा
सुटलेत प्रेमाचे वारे.....

म्हणतेस पाहूदेत लोकांना
जग सारे म्हणनारच......
मला जगाची पर्वा कशाला
मी तुला बिलगुन चालणारच.....

हातात धरून माझा हात
अशी पाहू नकोस एकटक......
ह्रदय दिलेय मी तुला
जाणवतेय का त्याची धकधक......

घायाळ होईन बघ मी......
नको सारखे देउस चुंबन गालावर
स्पर्श तुझा रेशमी......
लागेल मन डोलु तुझ्या तालावर

-- अमरीश अ. भिलारे