नजरेत भाव सारे
हा नजरेचा वार आहे
अजुनी ती शोधते स्वर
इथं अंतरा तयार आहे

हा पुन्हा आला बहर
सवे निखाराही पेटला
माझ्या जिंदगीशी प्राक्तनाचा
हा कुठला करार आहे?

मी कधीच विसरलो सारे
का तुझी ही फिर्याद?
नको साक्ष जुन्या आठवांची
मज दुखणी हजार आहे

काय हा माझा प्रवास?
काय या पावलांची दशा?
मागे रखरखत्या उन्हाची वाट
अन, पुढे अंधार आहे

"हा सावल्यांचा खेळ" सारा
अन, वेळ आहे कातराची
डोळ्यात साचतो गारवा
पण अंतरी अंगार आहे.....

-सचिन काकडे [ मार्च ५,२००८]