ही कोण स्वप्नात दिसली
ही कोण हृदयात ठसली
नभ झाले मज ठेंगणे हे
मम जीवनी प्रीत वसली ।ध्रु।१

गं प्रिये ... ... ...


दर वळणावरी जीवनाच्या
गात गाणे पहा मी निघालो
भान माझे कुठे काय सांगू
पायऱ्यांशी२ न रमता निघालो ।१।

ही कोण स्वप्नात दिसली ...

आज सजल्यात साऱ्या दिशा या
वाटते खोलले स्वर्गदारा
रूप झालेय माझे पहाता
मजवरी रोखल्या सर्व नजरा ।२।

ही कोण स्वप्नात दिसली ...

मृत्यु येतो जरीही तनूला
मृत्यु आत्म्यास या येत नाही
दीप्त राही सदाकाळ प्रीती
नष्ट दीप्ती तिची होत नाही ।३।

ही कोण स्वप्नात दिसली ...

-- टवाळ