सुगंधी झाड
ती कॉलेजला येताना
मोग-याचा गजरा माळुन यायची
सुगंधाचं झाड हौउन
कॉलेजभर दरवळायची

तिच्या गज-यातली बंडखोर फ़ुलं
इथे तिथे सांडायची
मलाही सवयच लागली होती
सांडलेली फ़ुलं जमवायची

वाटायचं त्या बंडखोर फ़ुलांना
तिचीच आतुन फ़ुस आहे
माझ्यासाठी फ़ुलं सांडण्यात
नियतीचा काही डाव आहे

कॉलेज संपेपर्यंत हे असंच चाललं
मग माझं सुगंधी झाड कुठेतरी हरवलं
कॉलेज संपल्यावर आपापल्या वाटेनं गेलो
आपापल्या जगात आम्ही छान रमलो

परवा सहज मी जुनी डायरी उघडली
डायरीत जपुन ठेवलेली फ़ुलं सापडली
माझ्या भावनांसारखीच फ़ुलंही सुकलेली
पण वाळक्या फ़ुलांत तिची आठवण सुगंध बनुन राहीलेली