कसे वाहते अंतरातून पाणी
फिरोनी त्याच वेदनेच्या दिशेने.
का बोलती ही सतारीतून गाणी.
मर्म तुझे भेदण्याच्या मिषेने.

तुझा ठाव नाही, मला गाव नाही.
तरी जोडले मी प्राक्तनाच्या रेषेने.
तुझा भाव पाही,तुझे घाव साही.
आठवू की विसरु मी कशा कशाने.

तुझी याद अशी मनी कोरलेली.
उफाळून येइ जराश्या नशेने.
वास्तवाची 'जाण' उरी फाटलेली.
गिळावे आवंढे कोरडया घशाने.

तुझा दोष नाही, मला होश नाही,
इथे साजरी 'तू' होते जल्लोषाने.
माझा रोष नाही,शब्द घोष नाही.
घूमू दे आभाळ 'मुक्या आक्रोशाने''......!!!!

-@ अरुण