माझ्या डोळ्यात नीट बघं
तूझा प्रत्येक क्षण आवर्जून हिरवळेल
अलगद मग पापण्या मीट
एक स्वप्न हळूच येवून कुरवाळेल

प्रेमात पडलेल्या प्रत्येकाच
विश्वचं काही रम्य असतं
तुझं काय, माझं काय
तिचही विश्व साम्य असतं

विणलं मन मनाशी तर,
नात्याचं जाळं पसरणारचं
जिथे प्रेमाचा उतार असेल
तिथे भावना ह्या घसरणारचं

ज्यांना यातनाची फिकीर असते
ते प्रेम काय खाक करतात
जे दूर बसती किनाऱ्यावर
ते प्रेमाचीच राख करतात

-- सनिल पांगे