मला सजवण्या मागे, तुमचा काय बेत आहे
माझ्या शरीराचा कोणता, अर्थ अभिप्रेत आहे

फुल होऊन आतास, कुठे मी फुलू पाहतो
कोण चार खांद्यावरुन, मला असं नेत आहे

कधी ज्यांच्यासाठी मी, त्यांची दूनिया होतो
मला एकटं सोडताना, ते कोणत्या दुनियेत आहे

आजवर प्रत्येकाला, मी आधारच देत आलो
मग का माझा भार, असा लाकडावर येत आहे

ज्यांच्या पोटापाण्यासाठी, मी वणवण फिरलो
मज भोवती घालून प्रदकक्षीणा, पाणी पाजत आहे

तेवलो मी ज्यांच्यासाठी, प्रकाश मिळावा म्हणून
पुन्हा जाळून मला, अग्नीलाच अग्नी देत आहे

मला नाही पटलं माझ्याच आप्तेष्टांचं वागणं
सरणावरून उठलो, तर म्हणे मी भूतप्रेत आहे

@सनिल पांगे