हे प्रेम नक्की काय आहे

आमची पहीली भेट
ती किती लाजली होती
ते लाजणं डोळ्यात भरून
माझी रात्र गाजली होती

काय सांगू स्वप्नं कशी
रात्रभर छेडत बसायची
दिवसही स्वप्नां खातिर
रात्रीचं वस्त्र नेसायची

मग तीलाच भेटायची ओढ
मनात सतत जागायची
तीची प्रत्येक आठवण माझ्या
अंगोपंगी बिलगायची

हे प्रेम नक्की काय आहे
ओळखणं कठीण होऊन बसतं
बुद्धीने श्रेष्ट काय कनिष्ट काय
प्रत्येकाचं मन शेवटी फसतं

-----मराठी बाणा