काल तू भेटलीस
वळवाच्या सरीपरी,
पण इवलूष्या वेळेत
तु केलीस जादू खरी

तुझ्या नजरेच्या खेळात
मी नशीला होत होतो,
तुझ्याकडे पाहता पाहता
मी तुझाच होत होतो,

थोडा वेळ वाटलं
विसरावं सार काही
अन तुच असावीस
माझ्या दाही दिशेलाही

कधी न भेटलेलो आपण
काल पहील्यांदाच भेटलो,
भेट झाल्यावर मनात आले
की आपण यापुर्वीही कित्येकदा भेटलो..

तु तशी सावळीच
पण तरी रुप तुझं
अबोलीच्या गर्द रंगाच्या
मोहक कळीचच..

थोडया वेळातच नजरा,
ऐकमेकांना मुजरा घालून गेल्या,
अन पुन्हा परत भेटण्याचा
एक मर्जिचा अल्विदा करून गेल्या..

-- आ. आदित्य...