काय केलाय मी असा गुन्हा
तवा काढताय माझी खोडी पुन्हा पुन्हा हो पुन्हा पुन्हा...

मी तर आपली साधी भोळी,
जरीचा पदर अन अंगात माझ्या छापील चोळी,
पाहून मला असं नजरत का हो धरता
वर खाली बघून मला मिठित का घेरता..
आहो पाव्हणं आता जरा थांबा ...

काय केलाय मी असा गुन्हा
तवा काढताय माझी खोडी पुन्हा पुन्हा हो पुन्हा पुन्हा...

आता झालीया येळ तिन्ही सांजची,
वाट माझी ही बांधा-बांधाची,
डोईवर माझ्या टोपलं
अन बिगी-बिगी चालताना काटुक माझ्या पायाला टोचलं
राहूद्यात , माझ्या पायाला हात घालण्याचा तुमचा बहाणा

अन सांगा राया काय केलाय मी असा गुन्हा ,
तवा काढताय माझी खोडी पुन्हा पुन्हा हो पुन्हा पुन्हा..

रातीचं चांदण माझ्या गालात हसतयं
चंद्राच तोंड माझ्या डोळ्यात दिसतय,
पाहून हे सारं नका खेचू माझ्या पदराची किनार
आता मला माझचं भ्या वाटतयं
अन तुमच्या मिठित यायला माझं अंग धावत सुटतयं..

आता व्हयील माझ्या हातून गुन्हा
तवा नका काढू अशी चावट खोडी पुन्हा पुन्हा...

--- आ. आदित्य...