फुलांनी अता चूर लाजून व्हावे अशी गोड तू
निशेने अता मंद गंधात न्हावे अशी गोड तू

अशी तारकांनी असूया करावी तुला पाहता,
सदा चंद्र-सूर्यात संवाद व्हावे अशी गोड तू

वर्षावे ढगांनी हळूवार आता तुझ्या अंगणी,
नभाने तुला पाहताना झुकावे अशी गोड तू

नव्या आसमंती प्रकाशीत होतो कसा सूर्य हा,
जगाचे नवे आज निर्माण व्हावे अशी गोड तू

दिल्या तू मनाला विखारी किती यातना,
व्यथेने पुन्हा वेदनेला भुलावे अशी गोड तू

कवी : अद्न्यात